TEJANI BROTHERS

OUR LATEST ALBUM

divider

Farsh o arsh ki hai ye sada, karbala
Har khushk o tar ka hai noha, karbala
Jungle pahard ki hai ye nida, karbala
Sunke sab kahenge barmala, karbala

Hussainiyo hai tumhari, hai tumhari zimmedari
Karbala sab ko bataao,
Karbala sab ko sunaao,
Karbala sab ko bulaao

Haan azadar banaao
Karbala sab ko sunaao

Zakire karbobala khud huwe allah ke rasool
Hoga is khaak pe kya saane ha sunle ae batool
Jo hai mera beta
Hoga pyaasa zibha
Bekhata aur tanha

Farsh ka arsh ka bhi arsh yahi karbobala
Qiblaae auwliya o ambiya bhi karbobala
Hai bulandi ka maqaam
Hai namaazon ka qayaam
Deen e haq ka hai payaam

Har azadaar ki khilqat hai issi mitti se
Aur allah ko raghbat hai issi  mitti se
Jispe jhukti hai jabin
Ye hai anmol zamin
Ye jaga sab se hasin

Humne dekha hai saliqaae hayaat is jaa se
Bakhuda milti hai duniya ko nijaat is jaa se
Ay azadar suno
Puri duniya se kaho
Karbala aam karo

Na yahan mazhab o darjaat ki pabandi hai
Na yahaan aabru o zaat ki pabandi hai
Bachha o peero jawan
Aik awaaz yahaan
Lab pe hai shor o fughaan
Labayk ya hussain

Bedaari e insaan to ab hone lagi hai
Har samt se aati hai haaye hussaina

Sab balaaon ko dafa karti hai ye khaake zamin
Isi darbaar mei miljayenge jannat ke makin
Milgayi usko shifa
Khake karbal hai dawa
Maula ne wada kiya

Go hai ye gham humme har ik sukoon se barhkar
Ye amal rab ko pasand sab se hai aage barhkar
Raahe jannat hai yahi
Sunnate pyaare nabi
Majliso seena zani

Ay tejani yahi paygham sunaao har pal
Sirf shion ke liye hai nahi arze karbal
Sab yahaan aatein hain
Aarzu laaten hain
Aur sila patein hain

Maula hai yahi tamanna
Baccha jo kiya hai ataa
Nokar ho wo tera
Zakir ho wo tera
Azadaar ho tera

Qubaan karun tujhpar maula
Ye hai tera nokar maula
Mera bachha ho azadar

Hai akhri dam tak ye yaqeen, pakka wo rahe is raah par
Duniya ki izzat maalo zar, qurban kare sab shaah par
Har dam maula hai ye dua, Mera bachha ho azadar

Chalne se pehle main inhe, matam karna sikhlaaunga
Jab bhi wo bol payega, nohay majlis parhwaaunga
Insha’allah ho zakir tera, Mera bacha ho azadar

Jab khyelte khyelte girde, lab par ho pehle ya ali,
Is naam se nisbat ho jurdi, jab waqte gham ho ya khushi,
Haider haider lab pe sada, Mera bacha ho azadar

Jab aath muharram aayegi, haathon mei uthaayega alam
Nohay ki sada jaari rahe, har dam wo ho masroofe gham,
Bibi ki paaye wo dua, Mera bacha ho azadar

Jab ankh khulegi subh ko, lab par ho pehle ye kalaam
Ae aqa shaheede karbala, main bhejta hun tujhpar  salaam
Din ki ho ayse ibteda, Mera bacha ho azadar

Jab thanda paani dekhle, nazron mei aaye karbala
Jab ye paani lab ko chhue, yaad aaye asghar ka gala,
Maula pyaasa mara gaya, Mera bacha ho azadar

Wo aage rahe parhaayi mei, wo parhe namaaz aur quraan
Akhlaq ho sab se behtareen, aur saath mei ho wo nohakhuaan
Sachaa ho azadaar aapka, Mera bacha ho azadar

Jab uski paydaaish huwi, kaanon mei di maine azaan
Nohon ki azaan deta rahe, aur isko sunein saaraa jahaan
Matam ye kare to istarha, Mera bacha ho azadar

Ye bachha amaanat aapka, aur palna usko mera kaam
Maula ke azaadaron mei bhi, shamil ho tejani uska naam
Mujhe walid aysa tu bana, Mera bacha ho azadar

Main agar wahan hota, Main agar wahan hota.
Karbala ke sahra me apne jismo-jaa’n khota,

1). Aapki jagah apna mai gala kata deta,
Apne khoon ka ek ek qatra mai baha deta,
Zindagi ka sarmaya aap par luta deta,
Azmo-hausla apna dasht me dikha deta,

2). Nehr par mera bazu kaash kat gaya hota,
Naiza mere seene par zulm ka laga hota,
Hurmula ke navak se  halq bhi chida hota,
Karbala ke daman me mai bhi so raha hota,

3). Khaake-Karbala ko mai ankhon se laga leta,
Apni jaan de deta aapko bacha leta,
Badh ke garm reti se aapko utha leta,
Fatima se Jannat me iska mai sila leta,

4). Saaye ki tarah maula sath aapke rehta,
Aap hi ki nusrat me pehle khu’n mera behta,
Har sitam utha leta har jafa ko mai sehta,
Mere khoon ka qatra baar baar ye kehta,

5). Apni palken rahon me aapki Bicha deta,
Zakmi jism par marham aapke laga deta,
Dhadkano ko apni mai aap par luta deta,
Apne sar ko naize par Badh ke mai chadha deta,

6). Ab to yu’n guzarti hai meri zindagi  ‘tauqeer’,
Chayi rehti hai har dam mujhpe bekhudi ‘tauqeer’,
Door ho gayi mujhse ab Hansi khushi ‘tauqeer’,
Lab pe hai ‘Tejani’ ke nauha bas yahi ‘tauqeer’,

The sun is burning like this fire inside
I’ve seen destruction, heaven knows I’ve cried

I’m all alone without a home
There’s nowhere left to go
I am the ark of salvation
Trying to guide it through the storm

1. My back is broken I’ve no sight
My loved ones all have left my side
Though in their blood they all have drowned
They’ve found salvation through my light
Upon the sands I stand alone
There’s nowhere left to go
I made this promise long ago
There’s nowhere left to go
I move towards the spears and stones
There’s nowhere left to go
I am the ark of salvation
Trying to guide it through the storm

2. This ark is strong beyond belief
It can withstand oceans of grief
Though every inch is filled with wounds
A thousand arrows it’s received
The course is set far from the coast
There’s nowhere left to go
They look at me and laugh and gloat
There’s nowhere left to go
I am attacked though they all know
There’s nowhere left to go
I am the ark of salvation
Trying to guide it through the storm

3. When I was born the Prophet cried
And told my mother how I’ll die
He will be drowned in his own blood
There will be no-one by his side
This was my fate since I was born
There’s nowhere left to go
In history I will be known
There’s nowhere left to go
This final stand to all will show
There’s nowhere left to go
I am the ark of salvation
Trying to guide it through the storm

4. Just like the animals were saved
When Prophet Nuh was asked to make
By God an ark to ride the waves
The task I have is just the same
To save the righteous and close
There’s nowhere left to go
Defeat the enemies of God
There’s nowhere left to go
To give humanity a hope
There’s nowhere left to go
I am the ark of salvation
Trying to guide it through the storm

5. There’s no illusion I’m aware
The enemies will try to tear
My loved ones bodies into shreds
Their blood left scattered everywhere
To save religion is my goal
There’s nowhere left to go
My loved ones trust me young and old
There’s nowhere left to go
This is the path that we all walk
There’s nowhere left to go
I am the ark of salvation
Trying to guide it through the storm

6. They say that love makes memories
And with all hardships will come ease
Stand for whatever you believe
And you will make your destiny
I know this deep within my soul
There’s nowhere left to go
Though I know they will crush my bones
There’s nowhere left to go
I trust in what Allah has told
There’s nowhere left to go
I am the ark of salvation
Trying to guide it through the storm

Babul Hawaij Almadad, Ae Mere Ghazi Almadad

Maula hai tujhse lo lagi, main tere dar pe agaya,
Mangu bhala auron se kyon, karta hai jab tu sab ata,
Sunta hai tu dil ki sada, tere siwa ab to mera
Koi nahi hai sahara

Mola ali ne ki dua, aisa ho ek beta ata
Tanha bhi ho to sher ho, sabka bane jo asra
Jiske alam kay saaye mein akar na de koi sada
Koi nahi hai sahara

Jaari rahe seena zani noha gari rasm e aza
Naslon mein qaim ho aza, aulad kar aisi ata
Shabbir kay chhe maah kay asghar ka tujhko wasta
Koi nahi hai sahara

Bimar ko de de shifa sajjad ka hai wasta
Maqrooz kay harqarz ko tu ghaib se karde ada
Be jurm jo hain qaid mein dete hain sab tujhko sada
Koi nahi hai sahara

Shabbir kay bhai ho tum zainab ka tum ho asra
Umul bane(n) kay ladle tum ho sakina kay chacha
Sher e khuda kay sher ho meri karo hajat rawa
Koi nahi hai sahara

Gham se bhara hai dil mera ae fazl kay baba suno
Mushkil kusha kay laal ho mushkil ko meri hal karo
Hoon mushkilon me ghir gaya tanha hoon kitna dekhlo
Koi nahi hai sahara

Dar pe mujhe bulwaiye bechain hai khadim tera
Dil de raha hai bas sada karbobala karbobala
Kyun karbala na ja saka toota hai dil mola mera
Koi nahi hai sahara

Rote hue sheh ne kaha ho mere ghazi tum kahan
Jo mere dil ka haal hai kaise karun bhai bayan
Majboor hoon bebas hoon main gardan pe hai khanjar rawan
Koi nahi hai sahara

Sarwar chale medan se akbar ki aiii jab sada
Girte hue uthte hue puhanche shah e karbobala
Lasha jawan jab na utha rote hue sheh ne kaha
Koi nahi sahara

Zulm o sitam sehta raha kanton pe wo chalta raha
Hain taziyane bhi sahe aur aag per bhi wo chala
Pardes hai ghurbat bhi hai sajjad hai be asra
Koi nahi hai sahara

Thi tauq gardan mein pari aur hath mein thi hathkadi
Sajjad per zindan mein kaisi wo mushkil thi gharri
Mayyat behan ki na uthi bimar kehta tha yehi
Koi nahi hai sahara

Jab shimr kay durr e lage rokar sakina kaha
Sehti hoon main zulm o sitam dekho zara chehra mera
Tumko sakina ki qasam ajaiye mere chacha
Koi nahi hai sahara

Karbobala se sham tak sadat ka haaye safar
Tejani aur zeeshan ka dil phat raha hai soch kar
Sadat ko pathar lage dushman sabhi aaye nazar
Koi nahi hai sahara

Pahunche bhateeje ki jo sadaoun pe shahedee’n,
Sheh ka bhateeje se na hua phir koi kalaam,
Dekhe hazaar tukde jo qasim ki lash ke,
Apne jigar ko thaam ke bole shahe-anaam.

Tere badan ke tukde ab kaise mai uthaoun,
Qasim tu hi bata de tujhko kahan se laoun,

  1. Apne chacha se beta ho jayega khafa tu,
    Soncha nahi tha maine ho jayega juda tu,
    Rootha agar hai mujhse aa ja tujhe manaoun
  2. Aawaz par mai teri pahuncha hun run me beta,
    Ek baar phir sada de tu mujhko ban me beta,
    Sona agar hai tujhko seene pe mai sulaoun
  3. Beta tere chacha par aafat ki ek ghadi hai,
    Tere badan ki halat aakhir ye kisne ki hai,
    Uth jaa ke ab tujhe mai apne gale lagaun
  4. Bhai hasan ki qasim ek tu he tha nishani,
    Looti hai kafiron ne ab teri zindagani,
    Seena tera kahan hai seene se jo lagaun
  5. Bhai ki yaad mujhko aati thi jab bhi beta,
    Tujh me mai dekhta tha bhai hasan ka chehra,
    Hansti hui wo soorat teri kahan se laoun,
  6. Acchi nahi hai teri madar ki kuch tabiyat,
    Teri khabar se qasim bigdegi aur halat,
    Farva ko kaise aakhir teri khabar sunaoun,
  7. Tukdon ko phir tejani shabbir ne sameta,
    ‘ Tauqeer ‘ kya bataoun Chadar me ek lapeta,
    Bole Husain qasim tujhko kahan mai paoun

Zuljana lechalo mujhko baba ke paas,
Kya hua kuch Bata hai kaha baba jaa-n
Zuljana lechalo mujhko baba ke paas

  1. Teer kaisa laga zakhm e Dil kyu hua,
    Behraha hai lahu be gunah be qata,
    Khoon se laal hai kyu bhala aasma-n
  2. wada karti Hu Mai koi shikwa na ho,
    Aur Meri tarah koi tanha na ho,
    Pyaas ka Mai gila na karungi baya-n
  3. aas thi ye mujhe baba aajaengein,
    Wo sakina ko ab apni lejaengein,
    Dekh Kar Mera haal roti hain bibiya-n
  4. wasta hai tujhe bawafa Bhai ka,
    wasta hai tujhe shaha ki jaaii ka,
    Zuljana baba ko chord Aya kaha-n
  5. Bint e shahay zaman derahi hai sada,
    koi mushkil ho gar mujhko de de pata,
    dhundkar jaungi Mai qadam ke nisha-n
  6. Asghar e kamsukhan bhi nahi paas hai,
    Khochuki Hu usay mujhko ahsaas hai
    Sogaya nanhi si qabr me be-zuba-n
  7. beqaraar hai kyu sheh sawaar hai tu,
    Baba jaa-n ki kasam jaa’n nisaar hai tu,
    Kya yateem hogayi hai sakina yaha-n
  8. baba jaa-n ne kaha sham jaungi Mai,
    Be khata taziyanay bhi khaungi Mai,
    Hogi phir ye sada gar lagein seliya-n
  9. Kis tarah paau chain ye zamee-n qaak hai,
    Aarzu thi yehi seenay per sou mai,
    Lechalo zuljana baba jaa-n hai Jaha-n
  10. bhulpangein gham na Tejani kabhi,
    Aur Akbar qayamat ki hai ye ghadi,
    Dukhtar e shaah ka sakht hai imteha-n
VIEW ALL ALBUMS ➝

OUR NEXT EVENT

divider

Muharram • Peterborough • United Kingdom